संस्कृति मंत्री श्री भगत ह असम के मुख्यमंत्री श्री सर्बानंद सोनोवाल ल राष्ट्रीय आदिवासी नृत्य महोत्सव के दीन नेवता

रायपुर, मुख्यमंत्री श्री भूपेश बघेल कोति ले राष्ट्रीय आदिवासी नृत्य महोत्सव बर भेजे गए नेवता ल आज संस्कृति मंत्री श्री अमरजीत भगत ह असम के मुख्यमंत्री श्री सर्बानंद सोनोवाल ल दीन। श्री भगत ह असम के मुख्यमंत्री ले उहां के लोक कलाकार मन के दल छत्तीसगढ़ के ये आयोजन म भेजे के आग्रह करिन। मुख्यमंत्री श्री सोनोवाल ह मुख्यमंत्री श्री भूपेश बघेल के आमंत्रण स्वीकार करिन अऊ असम के आदिवासी नर्तक दल मन ल रायपुर म आयोजित राष्ट्रीय आदिवासी नृत्य महोत्सव म भेजे के सहमति जताईन। श्री भगत ह मुख्यमंत्री श्री सोनोवाल ल छत्तीसगढ़ के संस्कृति, पर्यटन अऊ सरकार कोति ले चलाए जात कई ठन कल्याणकारी योजना मन के बारे म बताइन। श्री भगत ह श्री सोनोवाल ले असम अऊ छत्तीसगढ़ के कई ठन मुद्दा उपर घलोक चर्चा करिन।