मुख्यमंत्री ह प्रदेशवााी मन ल राष्ट्रीय मतदाता दिवस अऊ राष्ट्रीय पर्यटन दिवस के दीन बधाई

रायपुर, मुख्यमंत्री श्री भूपेश बघेल ह 25 जनवरी के राष्ट्रीय मतदाता दिवस के अवसर म प्रदेशवासी मन ल बधाई देहे हे। मुख्यमंत्री ह अपन बधाई संदेश म कहे हें कि राष्ट्रीय मतदाता दिवस लोकतांत्रिक व्यवस्था ल बनाए रखे बर अधिकार अऊ कर्तव्य के बोध कराथे। ये दिन हमला प्रजातांत्रिक मूल्य अऊ परम्परा मन ल मजबूत बनाए बर जागरूक करथे। मुख्यमंत्री श्री भूपेश बघेल ह 25 जनवरी के राष्ट्रीय पर्यटन दिवस म प्रदेशवासी मन ल बधाई अऊ शुभकामना देहे हें। उमन अपन बधाई संदेश म कहे हें कि पर्यटन के देश-प्रदेश के अर्थव्यवस्था म महत्वपूर्ण स्थान रखथे। एखर से न सिरिफ मनखे मन ल स्थानीय सांस्कृतिक, भौगोलिक, प्राकृतिक, ऐतिहासिक स्थल मन ल जाने के मौका मिलथे, भलुक ये हजारों परिवार के जीवनयापन बर आजीविका के नवा रद्दा घलोक खोलथे। एला देखत राज्य सरकार अपन प्राचीन धरोहर मन ल विकसित करके प्रदेश म पर्यटन ल बढ़ावा देहे के कार्ययोजना म काम करत हे।