रायपुर, 12 जनवरी 2024 । मुख्यमंत्री श्री विष्णु देव साय ह आज राज्य अतिथि गृह पहुना म विख्यात दार्शनिक अऊ आध्यात्मिक गुरू स्वामी विवेकानंद जी के जयंती म ऊंखर छायाचित्र म पुष्प अर्पित करके ओ मन ल नमन करिन। ये बेरा म वित्त मंत्री श्री ओ.पी. चौधरी, स्वास्थ्य मंत्री श्री श्याम बिहारी जायसवाल अऊ महिला अउर बाल विकास मंत्री श्रीमती लक्ष्मी राजवाड़े घलोक उपस्थित रहन।
मुख्यमंत्री ह आज ‘राष्ट्रीय युवा दिवस’ के अवसर म प्रदेशवासी मन ल हार्दिक बधाई अउर शुभकामना दीन। उमन कहिन कि स्वामी विवेकानन्द जी के विचार ह संपूर्ण समाज ल एक नवा दिशा देहे हे। स्वामी जी ह अपन उपदेश अऊ ओजस्वी व्याख्यान ले देश-दुनिया ल मानव जाति के सेवा के मार्ग देखाइस। ये छत्तीसगढ़ बर सम्मान अऊ गर्व के बात हे कि स्वामी विवेकानंद जी के कुछ समय रायपुर म बीतिस। स्वामी जी ले जुड़े सुरता राजधानी रायपुर ल एक विशेष पहिचान देथे। मुख्यमंत्री श्री साय ह कहिन कि स्वामी जी के विचार अऊ जीवन मूल्य हमला हमेशा प्रेरित करत रइही।
