जगदलपुर : बस्तर के प्राकृतिक सुंदरता-खूबसूरती, जनजातीय संस्कृति अऊ खनिज संसाधन ही हमार क्षेत्र के पहचान – कलेक्टर श्री विजय दयाराम के.

क्षेत्र म उद्योग स्थापना के अपूर्व संभावना हे, शासन प्रशासन कोति ले करे जात हे जरूरी पहल
एनएमडीसी लिमिटेड कोति ले आयोजित वेंडर मीट कार्यक्रम

जगदलपुर, 02 अगस्त 2024। कलेक्टर श्री विजय दयाराम के. ह कहिन कि बस्तर के प्राकृतिक सुंदरता-खूबसूरती, जनजातीय संस्कृति अऊ खनिज संसाधन ही हमारे क्षेत्र के पहिचान हे। संगेच क्षेत्र म उद्योग स्थापना के अपूर्व संभावना हे, शासन प्रशासन कोति ले घलोक जरूरी पहल करे जात हे। मुख्यमंत्री के पहल म उद्योग विभाग कोति ले उद्योग स्थापना बर सिंगल विंडो घलोक चालू करे गए हे। एखर अलावा उद्योग अऊ उद्योगपति मन ल प्रोत्साहित करे बर संभाग मुख्यालय म जीएमडीसी के पदस्थापना करे जात हे। उमन वेंडर मन ल उद्योग स्थापना या व्यापार करे के समय इहां के जनता ल रोजगार के अवसर देहे के संगे-संग ऊंखर कल्याण के घलोक ध्यान देहे ल कहिन। उमन स्थानीय जनजातीय मनखे मन ल सम्मान जनक जीवन शैली देहे के घलोक पहल करे के बात कहिन।

कलेक्टर श्री विजय जगदलपुर के एक स्थानीय होटल म एनएमडीसी लिमिटेड कोति ले आयोजित वेंडर मीट कार्यक्रम ल संबोधित करत रहिन। कार्यक्रम म उपस्थित वेंडर मन ले घलोक उमन बस्तर के चर्चा करिन। कार्यक्रम म एनएमडीसी के अधिकारी, उद्योग विभाग के अधिकारी, कई ठन राज्य मन, प्रदेश के कई जिला मन के वेंडर उपस्थित रहिन।