रायपुर, 25 मई 2020। राजधानी रायपुर म आज ले गरम हवा चलइया हे. जेखर ले लू लगे के संभावना ह बाढ़ गये हे. काबर कि सोमवार ले नौतपा ह सुरू होगे हे. रायपुर म 45 डिग्री सेल्सियस तापमान दर्ज करे गये हे. प्रदेश म 28 मई के बाद लू ले राहत मिलही. एखर बाद तीन जून तक गरम हवा के थपेड़ा परही. एखर सेति मंझनिया एक बजे ले शाम पांच बजे तक घर ले बाहिर न निकले एला लेके मौसम विभाग ह अलर्ट जारी करे हे.
बताये जावत हे कि 25 मई के बिहनिया सात बजे ले सूर्य ह रोहिणी नक्षत्र म प्रवेश कर गये हे. एखर संग ही नौतपा सुरू होगे हे. ये स्थिति ह दू जून तक रही. ए दिन म सूर्य ह पृथ्वी के सबले करीब होवत हे. ए नक्षत्र म सूर्य ह लगभग 15 दिन तक रही, लेकिन शुरूआती नौ दिन म गर्मी ह बड़ अकन बाढ़ जात हे. एखर सेति ए 9 दिन के बेरा ल नौतपा केहे जात हे.
