न्याय बगरावत हे प्रदेश म नवा अंजोर

रायपुर, ग्रामीण अंचल म न्याय योजना मन ले बड़ संख्या म मनखे मन के आर्थिक सशक्तीकरण होवत हे। एमां करीबन 22 लाख 87 हजार किसान मन के राजीव गांधी किसान न्याय योजना म इनपुट राशि देहे गए हे। गोधन न्याय मिशन के माध्यम ले 2 लाख 11 हजार पशुपालक अउ ग्रामीण लाभान्वित होवत हे, एखर अलावा करीबन 13 हजार समूह के महिला मन ल वर्मी कम्पोस्ट अउ आन आर्थिक गतिविधि मन म रोजगार मिलत हे। वनांचल म तेंदूपत्ता संग्रहण ले करीबन 12 लाख परिवार लाभान्वित होवत हे।
राज्य म मनखे मन के शिक्षा अऊ स्वास्थ्य के बेहतर शिक्षा बर घलोक महत्वपूर्ण कदम उठाए गे हे, स्वामी आत्मानन्द इंग्लिश अऊ हिन्दी माध्यम स्कूल ले गरीब के लइका मन ल गुणवत्तापूर्ण शिक्षा मिलत हे। राज्य म 171 अंगरेजी माध्यम अऊ 32 हिन्दी माध्यम के स्कूल चालू करे गए हे। स्वास्थ्य क्षेत्र म मुख्यमंत्री हाट बाजार क्लीनिक, दाई दीदी क्लीनिक, मुख्यमंत्री शहरी स्लम स्वास्थ्य योजना ले लाखों मनखे मन ल निःशुल्क चिकित्सा के सुविधा मिलत हे। ऐसनहे रियायती दर म गुणवत्ता सहित दवा उपलब्ध कराए बर जिला मुख्यालय मन म अउ नगर पंचायत क्षेत्र मन म श्री धन्वन्तरी जनरिक मेडिकल स्टोर्स चालू करे गए हे।