रायपुर, मुख्यमंत्री दाऊ भूपेश बघेल आज जी छत्तीसगढ़ न्यूज़ चैनल के कार्यक्रम म संघरिन। ‘नवा छत्तीसगढ़ विकास का छत्तीसगढ़ माडल’ ये कार्यक्रम म दाऊ भूपेश बघेल ह कहिन के केन्द्र सरकार ले सरलग पुरस्कार मिलत हे, देशभर म 74 प्रतिशत लघुवनोपज के ख़रीदी इकलौता छत्तीसगढ़ ह करे हे। कोनो ह सोचे घलोक नइ होही के गोबर ले आर्थिक समृद्धि हो सकत हे। हमन गोधन न्याय योजना के ज़रिए गोबर ख़रीदी करेन जेन ह गरीब मन ल घलोक आर्थिक रूप ले समृद्ध करे के काम करिस। हम सरलग नवाचार करत हन। हम सी-मार्ट बनावत हन जेमा गांव म म बनइया हर उत्पाद के उपलब्धता होही। एके छत के नीचे सबो ग्रामीण उत्पाद आसानी ले मिलही।
केन्द्र के बारे म बोलत दाऊ ह कहि के पहिली केन्द्रांश ल लेके केन्द्र ह वाहवाही लूटे के काम करिस, फेर राज्यांश के घलोक पइसा बहुत अकन नइ मिलत हे। जब यूपीए के सरकार रहिस त प्रधानमंत्री सड़क योजना म शत-प्रतिशत ग्रांट मिलत रहिस, अइसनहे इंदिरा गांधी जी के सरकार म घलोक रहिस फेर अब 60-40 के रेशियो हो गए हे। सबो प्रकार के योजना मन म केन्द्र के हिस्सा घटा दे गए हे फेर राज्यांश के हिस्सा बढ़ा दे गए हे। हमला बारदाना नइ मिलत हे। उसना चावल नइ लग कहि दीन। हमला सताए के काम करे जात हे। ये उदीम होवत हे के हम योजना लागू झन कर पान अऊ हमर हार होवय फेर जनता सब समझत हे। छत्तीसगढ़ के जनता हमार संग हे। हमार छत्तीसगढ़ के भावी पीढ़ी बर हम काम करत हन ताकि ओ मन ल अच्छा पोषण मिलय, अच्छा शिक्षा मिलय समृद्ध छत्तीसगढ़ के दिशा म हम आगू बढ़त हन।
केन्द्र सरकार ह सिरिफ वाहवाही लूटे के करे हे काम : दाऊ भूपेश बघेल
