नवा रायपुर बनत हे उद्योग अउ रोजगार के नवा गढ़, हजारों युवा मन ल मिलही काम-बूता

रायपुर, नवा रायपुर अटल नगर अब सिरिफ प्रसासकीय राजधानी न ही, बल्कि उद्योग, निवेश अउ रोजगार के बड़े केंद्र बनत जात हे। इहां टेक्सटाइल, फार्मा, इलेक्ट्रॉनिक्स, एमएसएमई, आईटी अउ सेमीकंडक्टर जइसे आबंटित क्षेत्र मन म बड़े पैमाना म निवेश आवत हे, जेकर ले हजारों युवा मन बर रोजगार के नवा रद्दा खुलत हे।
ग्राम कुर्रू म 100 एकड़ म बनत टेक्सटाइल पार्क म स्विफ्ट टेक्सटाइल (235 करोड़ रुपिया) अउ पुनीत क्रिएशन (175 करोड़ रुपिया) के निवेश ले करीब 10,000 युवा मन ल काम मिलही। सेक्टर-22 म 132 एकड़ म 2,000 करोड़ रुपिया के लागत ले फार्मा पार्क विकसित करे जात हे, जेमा टोरेंट फार्मा सहित तीन कंपनी मन संग 735 करोड़ रुपिया के एमओयू हो चुके हे। इलेक्ट्रॉनिक्स क्षेत्र म यश फैंस ह 110 करोड़ रुपिया के इकाई लगाए हे अउ भारत सरकार ले कॉमन फैसिलिटी सेंटर के मंजूरी घलो मिल गे हे।
सेक्टर-05 म एमएसएमई हब ले भविष्य म 12,000 ले जादा रोजगार सृजित होही। एकर संगेच 2,000 सीट वाले आईटी इंफ्रास्ट्रक्चर म आईटी कंपनी मन काम करत हें। सेक्टर-22 म रैकबैंक ह 1,000 करोड़ रुपिया के लागत ले एआई डेटा सेंटर बनावत हे, अउ पॉलीमेटेक इलेक्ट्रॉनिक्स ह 5G-6G चिप्स बनाए बर एसईजेड स्थापित करत हे। नवा रायपुर अब सही मायने म प्रदेश के ‘रोजगारधानी’ बनके उभरत हे।