राज्य में उद्योग ल मिलत हे एक बेहतर वातावरण: श्री बघेल
मुख्यमंत्री श्री भूपेश बघेल ह नवा रायपुर में ‘कमर्शियल हब’, एरोसिटी अउ ‘शहीद स्मारक’ के रखिस आधारशिला
रायपुर, 12 सितंबर 2023
मुख्यमंत्री श्री भूपेश बघेल ह आज नवा रायपुर अटलनगर के सेक्टर-35 में आयोजित समारोह में तीन महत्वपूर्ण परियोजना ‘कमर्शियल हब’, एरोसिटी अउ ‘शहीद स्मारक’ के भूमिपूजन अउ शिलान्यास करिस।
मुख्यमंत्री श्री भूपेश बघेल ह ए मौका म अपन संबोधन में कहिस कि आज के दिन अबड़ बिसेस हे काबर कि देश के सबले बड़े थोक व्यवसायिक बजार के शिलान्यास आज छत्तीसगढ़ के नवा रायपुर में होवत हे जेकर से राज्य के लाखों लोगन मन ल रोजगार घलो मिलही।
मुख्यमंत्री ह कहिस कि आने वाले भविष्य ल देखत हुए ये भूमिपूजन, शिलान्यास अउ लोकर्पण करे जाथ हे। राज्य के लोगन मन ल हमन से अपेक्षा रहिस जेला साकार करे ब हमन एक मजबूत कदम आघू बढ़ाय हन।
श्री बघेल ह कहिस कि सरकार के जिम्मेदारी हे कि वो लोगन मन ल आघू बाढ़े ब बेहतर वातावरण तियार कर सकय अउ हमन राज्य के किसान मन ब अइसे ही वातावरण तियार करे हन। एकर संग ही स्कूली शिक्षा में सुधार, छत्तीसगढ़ के संस्कृति अउ पर्यटन ल बढ़ावा देहे के वातावरण घलो हमन तियार करे हन।
श्री बघेल ह कहिस कि हमन उद्योग ल घलो एक वातावरण देहे ले कोशिश करत हन जेकर लिए मै ह व्यवसायी मन से कहे रहेंव कि छत्तीसगढ़ कले उद्योग नीति ल सबसे बेहतर बनाना हे अउ ए प्रयास से प्रदेश में उद्योग के संख्या बाढ़ीस हे अउ लोगन मन ल रोजगार मिलिस हे।
