मुख्यमंत्री श्री बघेल ह प्रदेशवासी मन ल नवरात्रि के शुभकामना दीन

रायपुर, 16 अक्‍टूबर 2020। मुख्यमंत्री श्री भूपेश बघेल ह प्रदेशवासी मन ल शारदीय नवरात्रि पर्व के बधाई अऊ शुभकामना देहे हें। ये बेरा म उमन सबके जीवन म सुख, समृद्धि अऊ खुशहाली के प्रार्थना करे हें। नवरात्रि के पहिली संझा के जारी अपन बधाई संदेश म श्री बघेल ह कहे हें के शक्ति उपासना के ये पर्व म 9 दिन तक पूरा श्रद्धा अऊ भक्ति-भाव के संग शक्ति स्वरूपा देवी दुर्गा के नौ अलग-अलग रूप के पूजा करे जाथे, श्रद्धालु मन उपास रखथें अऊ कन्या पूजन करे जाथे। उमन कहिन के देवी ल शक्ति, नारी, मां, बुद्धि अऊ लक्ष्मी के स्वरूप माने गए हे। नवरात्रि आराधना के संग नारी शक्ति के सम्मान के परब ये। ये बेरा म हम महिला मन के मान-सम्मान, गौरव ल बनाए रखे अऊ ऊंखर विरूद्ध हिंसा के विरोध के संकल्प लेवन। श्री बघेल ह कहिन के तिहार के दिन मन म हम सबो ल कोरोना संक्रमण के प्रति जादा सावधान होए के जरूरत हे। उमन सबो प्रदेशवासी मन ले अपील करे हें के जादा भीड़-भाड़ ले बचयं अऊ कोरोना ले बचाव बर जारी सबो दिशा निर्देश मन के पूरा पालन करव।