रायपुर, 7 अक्टूबर 2020। नवरात्री म ज्योत प्रज्ज्वलन ल लेके जिला प्रशासन ह नवा आदेश जारी करे हे। आदेश के अनुसार सिर्फ मंदिर समिति ल ज्योत जलाय के अनुमित मिले हे। उहें आम लोगन ल दर्शन करे के मनाही रही। बतादन की कोरोना संक्रमण के चलत शारदीय नवरात्र म मंदिर के पट भक्त मन के बर बंद रही। पिछु बार के तरह ये बार घलो भक्त मन ऑनलाइन माध्यम ले वर्चुअल दर्शन कर सखही। एखर बर व्यवस्था बनाय जावत हे। उहें अब जिला प्रशासन ह नवरात्रि म ज्योत प्रज्ज्वलन आदेश जारी करे हे। केवल मंदिर समिति ह ज्योत जला सखही। प्रशासन ह नियत जगह म ही ज्योति जलाय के आदेश दे हे। बतादन कि 18 अक्टूबर ले नवरात्र के शुरूआत होवत हे। उहें जिला प्रशासन ह कोरोना ले बचाव के मद्देनजर गाइडलाइन जारी कर लोगन ल नियम के पालन करे के अपील करे हे।
