अपन घर मिलीस त सविता ल जीवन म मिलीस नवा संबल

नक्सल पीड़ित परिवार मन के पुनर्वास अऊ मुख्यधारा ले जोड़े खातिर महत्वपूर्ण पहल
प्रधानमंत्री आवास योजना ह दीस सुरक्षित छत अऊ जीए के भरोसा – हितग्राही सविता
बलरामपुर-रामानुजगंज, प्रधानमंत्री आवास योजना केवल एक आवास निर्माण के योजना भर नइ हे, बल्कि ये सम्मान अऊ नवा भरोसा के आधारशिला हे। ए योजना ले नक्सल पीड़ित परिवार मन अऊ आत्मसमर्पित नक्सली मन, दुनों ल लाभ मिलत हे, जेखर से ओ मन भयमुक्त होके सुरक्षित भविष्य कोति कदम बढ़ावत हें। सविता यादव ह बताइस के मोर पति लखन लाल यादव मेहनत-मजदूरी करके परिवार के पालन-पोषण करत रहिस, फेर एक दिन नक्सली मन ह ओ ल पुलिस के मुखबिर बताके मार डरिन। ये मोर बर असहनीय रहिस। परिवार के सहारा छिन गे, लइका मन के भविष्य अंधकार म डूब गे अऊ मूड़ म सुरक्षित छत तक नइ रहिस, फेर छत्तीसगढ़ के विष्णु देव के सरकार ह आत्मसमर्पित नक्सली मन अऊ नक्सल पीड़ित परिवार मन के पुनर्वास बर मुख्यधारा ले जोड़े महत्वपूर्ण पहल करे हे। जेखर से हमला जीवन जीए के नवा संबल मिले हे।
जानबा हे के मुख्यमंत्री श्री विष्णुदेव साय के पहल म केन्द्र सरकार ह प्रधानमंत्री ग्रामीण आवास योजना के अंतर्गत पीड़ित अऊ आत्मसमर्पित परिवार मन बर आवास के स्वीकृति देहे हे। एखर तहत बलरामपुर-रामानुजगंज जिला म आज श्रीमती सविता तीर खुद के अपन पक्का मकान हे। ए योजना के तहत 6 आत्मसमर्पित नक्सली अऊ 19 नक्सल हिंसा ले पीड़ित परिवार मन ल प्रधानमंत्री आवास योजना के लाभ देहे गए हे। ए मकान मन ह परिवार मन ल सुरक्षा देवत हे, संगेच वो मन ल समाज म गरिमा अऊ आत्मविश्वास के संग जीए के अवसर घलोक देहे हे।