रइयपु 4 अप्रैल 2021 इतवार । सुकमा-बीजापुर के मेड़ो म नक्सली मन संग होय मुठभेड़ म घायल 6 झिन जवान मन ल राजधानी ले लाने गे हे। जिंकर इलाज बर रामकृष्ण अस्पताल म भर्ती कराए गे हावय. स्वास्थ्य मंत्री टीएस सिंहदेव घाइल जवान मन ले मिले बर गइन हे. मुख्यमंत्री भूपेश बघेल तको संझा कन घायल जवान मन ले मुलाकात करके हाल-चाल जानही।
बीजापुर ले जेन घायल जवान मन ल एयरलिफ्ट करके रायपुर इलाज बर लाने गे हे, ओमा डीआरजी के जवान बसंत झड़ी, लक्ष्मण हेमला, भास्कर यादव, सोनू मंडावी- एसटीएफ, सीआरपीएफ के जवान बलविंदर सिंह अउ सूर्यभान सिंह शामिल हवय।
छत्तीसगढ़ के मुख्यमंत्री दाउ भूपेश बघेल असम दौरा म हावय. वोहू तको असम ले रवाना होके संझा 7.30 बजे रइपुर एयरपोर्ट पहुंच जाही. एयरपोर्ट ले सीधा सीएम अस्पताल पहुंचही। जिहां बीजापुर नक्सल म हमला ले घायल जवान मन संग मुलाकात करहीं। तेकर पीछू ये मसला म रतिहा म अधिकारी मन के बइठका तको ले सकत हे। उहेंचे सम्मार के दिन मुख्यमंत्री बघेल बीजापुर तको जा सकत हे।
