नक्सली मन ह करिन आईईडी ब्लास्ट, एक जवान शहीद, 10 घायल 

जगदलपुर, 29 नवम्बर 2020। नक्सली अपन कायराना हरकत ले बाज नई आवत हे। सुकमा जिला म नक्सली मन ह दु आईईडी ब्लास्ट करे हे। जेमा 10 जवान घायल होय हे, उहें एक जवान शहीद हो गए। घायल जवान मन ल इलाज बर रायपुर भेजे गए हे। पुलिस ह मिले जानकारी के अनुसार पिछु देर रात ताड़मेटला के करीब होय ब्लास्ट म घायल असिस्टेंट कमांडेंट नितिन भालेराव शहीद हो गए। 10 जवान घायल हो गए हे उहें घटना म घायल अन्य 8 जवान मन ल इलाज बर हेलीकॉप्टर ले रायपुर भेजे गए हे। दु जवान ल हल्का चोट आय हे, जेखर इलाज चिंतलनार कैपं म चलत हे। शनिवार के सुकमा जिला के ताड़मेटला इलाका के बुर्कापाल ले 6 किलोमीटर दूर ऑपरेशन ले लऊट के आवत कोबरा 206 बटालियन के जवान मन ऊपर नक्सली मन ह आईईडी ले हमला कर दिस। ब्लास्ट म 2 अफसर समेत 10 जवान जख्मी हो गए रिहिस। नक्सली मन के मौजूदगी के सूचना म बुरकापाल, तेमलवाड़ा अऊ चिंतागुफा ले ज्वाईंट ऑपरेशन चलाय गिस। संझा बेरा म ताड़मेटला के जंगल म गश्त करत हुए जवान आगु बढ़त रिहिस कि ये दौरान जवान स्पाइक होल अऊ आईईडी के चपेट म आ गए। घटना के पुष्टि सुकमा एसपी केएल ध्रुव ह करिन।