उत्तर बस्तर कांकेर के तीन नक्सल पीडि़त परिवार के सदस्य मन ल मिलीस नौकरी

उत्तर बस्तर कांकेर, प्रभारी कलेक्टर अऊ जिला पंचायत के मुख्य कार्यपालन अधिकारी डॉ. संजय कन्नौजे ह जिला के तीन नक्सली पीडि़त परिवार के सदस्य मन ल छात्रावास, आश्रम के सेटअप मुताबिक ओ मन ल चतुर्थ श्रेणी के पद म स्थापना आदेश जारी कर देहे हे। जारी आदेश के मुताबिक अंतागढ़ विकासखड के आमाबेड़ा उप तहसील के ग्राम उसेली निवासी आवेश कुमार यादव ल प्रयास आवासीय विद्यालय बालक बीपीओ भवन कांकेर म, पखांजूर तहसील के ग्राम पीव्ही 04 विवेकानंद नगर कापसी निवासी कुमारी सुदिप्ता मिस्त्री ल प्रयास अवासीय विद्यालय बालिका नरहरदेव कांकेर म अऊ पीव्ही 90 हनुमानपुर नागलदंड निवासी सुजीत कुमार ल प्रयास आवासीय विद्यालय बालक बीपीओ भवन कांकेर म कलेक्टर दर म नियुक्ति दीए गए हे। आदेश के तहत नियुक्त कर्मचारी मन ल पहिली तीन साल तक कलेक्टर दर म वेतन के पात्रता होही।