नीला कवासी ह बंदूक छोड़ के अपनाइस शांति अऊ विकास के रद्दा : नीला कवासी ल मिलीस पक्का मकान

रायपुर, कभू जंगल मन म बंदूक थामे घूमइया जैमेर के रहवइया श्रीमती नीला कवासी आज विकास अऊ शांति के मिसाल बन गे हे। गरीबी अऊ मजबूरी ह ओ ल नक्सल रद्दा म धकेल दे रहिस, फेर दिल के कोनो कोना म वो हमेशा एक शांतिपूर्ण जीवन के सपना देखत रहिस।
मुख्यमंत्री श्री विष्णु देव साय अऊ गृहमंत्री श्री विजय शर्मा के अगुवई म नक्सली मन ल नक्सल पुनर्वास योजना 2025 के तहत मुख्यधारा म लहुटे के अवसर देहे गीस, तब नीला ह हिम्मत देखाइस। वो ह आत्मसमर्पण करके हिंसा के रद्दा छोड़ दीस संगेच अपन परिवार खातिर नवा शुरुआत करे के बना उंचाइस।
आत्मसमर्पण के बाद शासन-प्रशासन ह नीला ल कई ठन पुनर्वास योजना मन ले जोडि़स। प्रधानमंत्री आवास योजना-ग्रामीण के तहत ओ ल एक पक्का घर अऊ शौचालय के सुविधा मिलीस। ये घर वोखर बर सिरिफ रहे के जगा भर नो हे बल्कि जीवन के संघर्ष म विजय के चिनहारी ये। तकनीकी अउ रोजगार सहायक ह घर निर्माण के निगरानी अऊ बैंकिंग प्रक्रिया मन म ओखर पूरा सहयोग करिस। आज नीला अपन परिवार के संग सुखमय जीवन जीयत हे अऊ गांव के आन महिला मन खातिर प्रेरणा बन गे हे।