नक्सली मन के खिलाफ लड़ई ल अउ बने ढंगलगहा रणनीति के संग लड़े जाही: मुख्यमंत्री दाउ भूपेश बघेल हमर जवान मन के बलिदान गारद नइ जावन देवन

रइपुर, 5 अप्रैल 2021 सम्मार। मुख्यमंत्री दाउ भूपेश बघेल ने कहा कि नक्सली मन के खिलाफ लड़ई ल अउ बने ढंगलगहा रणनीति के संग लड़े जाही। मुख्यमंत्री ह आज बीजापुर म बासागुड़ा सीआरपीएफ कैम्प पहुंचके सीआरपीएफ अउ राज्य पुलिस बल के अधिकारी अउ व जवान मन ले वर्तमान हालात के बारे म चर्चा करीन। ये बेरा म दौरान केंद्रीय गृह मंत्री श्री अमित शाह तको रिहिन हे। ये मउका म जम्मो लोगन मन दू मिनअ के मौन धारन करके बीजापुर के नक्सल घटना म शहीद जवान मन ल श्रद्धांजलि दीन।
मुख्यमंत्री दाउ भूपेश बघेल ह बीजापुर जिला के बासागुड़ा सीआरपीएफ केम्प म सुरक्षा बल के जवान मन ल संबोधित करत कहीन कि हमार जवान मन के बलिदान गारद नइ जावय। हमार जवान मन ह अदम्य साहस अउ बहादुरी के संग नक्सली मन के मुकाबला करीन हे, जेकर ले नक्सली मन ल तको अबड़े नुकसान होय हे। मुख्यमंत्री ह कहीन कि हमार जवान बुलन्द हौसला के संग नक्सली मन ले लड़ीन। उन्कर शहादत उपर हम ल गरब हे। उन्मन कहीन कि नक्सली मन के खिलाफ चलत लड़ई ल अब अउ ढंगलगहा रणनीति के संग लड़े जाही। मुख्यमंत्री ह बीजापुर-सुकमा के दूरिहा के अउ मेड़ो म लगे इलाका मन के विकास काम ल प्राथमिकता के संग संचालित करे के बात कहीन। ये मौका म मुख्यमंत्री दाउ भूपेश बघेल अउ केन्द्रीय गृहमंत्री श्री अमित शाह ह केम्प म सुरक्षा बल के जवान मन के हौसला बढ़ाइन।