सड़क खोदइया नक्सली मन ह करिन सरेंडर

दंतेवाड़ा, 13 May 2024। लोन वर्राटू अभियान के तहत दू माओवादी मन ह दंतेवाड़ा पुलिस के आगू आत्मसमर्पण करे हें। दुनों नक्सली बंद के समय रोड़ खोदना, पेड़ काटना अउ बैनर पोस्टर लगाय के घटना म सामिल रहिन। आत्मसमर्पित माओवादी मन ह हिंसा के रद्दा छोड़के लोकतंत्र अऊ सविंधान उपर विश्वास जताए हे। दरअसल, जिला दन्तेवाड़ा म चलाये जात नक्सल उन्मूलन अभियान अउ छग शासन के ‘‘पुनर्वास नीति’’ के तहत पाछू कुछ महिना म जिला पुलिस बल अऊ सीआरपीएफ ह भटके माओवादी मन ल समाज के मुख्यधारा म जोड़े के काम करत हे। संगेच प्रशासन के नक्सल पुनर्वास नीति के व्यापक प्रचार-प्रसार गाॅव-गाॅव तक करे जात हे। जेखर परिणाम स्वरूप ये बदलाव माओवादी कैडर म दिखाई देवत हे अऊ बड़ संख्या म माओवादी कैडर आत्मसमर्पण करत हें।