बीजापुर,13 सितंबर 2020। नक्सली मन ह सुरक्षाबल के जवान ऊपर धारदार हथियार ले जानलेवा हमला कर दीन हे। ये हमला म गंभीर रूप ले घायल जवान के स्थिति नाज़ुक बने हे। ओला इलाज बर नजदीकी अस्पताल म भर्ती कराया गे हे। मामला बीजापुर जिला के तोयनार थाना क्षेत्र के मिडते गांव के हरे। घटना के पुष्टि एसपी कमलोचन कश्यप ह करिन हे।
जानकारी के अनुसार हमला म घायल जवान के नाम लच्छू मडवी हे, जेन ह ज़िला मुख्यालय जेल बाड़ा के निवासी हे। जवान के ऊपर हमला करे के बाद म माओवादी ह घटना स्थल ले फरार होगे हे। घायल अवस्था म जवान सड़क म ही पड़े रिहिस। ग्रामीण मन ले घटना के सूचना मिले के बाद म मउका म पहुचिस पुलिस ह जवान ल जिला अस्पताल म इलाज बर भर्ती कराय हे। जिहा ओकर हालत नाजुक बने हे।
