दंतेवाड़ा, 21 अगस्त 2020। नक्सल प्रभावित क्षेत्र दंतेवाड़ा म एक दर्जन ले ज्यादा ग्रामीण मन के संग मारपीट के घटना आगू आये हे। मिले जानकारी के अनुसार कटेकल्याण थाना क्षेत्र के चिकपाल गांव म 12 ले ज्यादा ग्रामीण मन ले नक्सली मन मारपीट करे हे।
एसपी अभिषेक पल्लव ह ए घटना की पुष्टि करिस । बताइस कि हथियार बंद नक्सली मन ग्रामीण मन के जम के पिटाइ कर दीस। एमा ले कुछ ल गंभीर चोट घलो आये हे।
चिकपाल गांव म नक्सली मन के धमकी ले ग्रामीण मन जबरदस्त दशहत म हे। फिरहाल खबर मिलत ही अब पुलिस ह इलाका म सर्चिंग अभियान तेज कर दे हे। पुलिस के कहना हे कि ग्रामीण मन म नक्सली दहशत फैलाये के इरादा ले ए तरह के घटना ल अंजाम देवत हे।
