दंतेवाड़ा, 14 जून 2020। बस्तर म सुरक्षाबल के जवान मन ल नक्सली मन के शहरी नेटवर्क के खुलासा करे म बड़का सफलता मिले हे. शहरी नेटवर्क के भंडाफोड़ ले नक्सली मन के कमर टूट गे हे. दंतेवाड़ा पुलिस ह नक्सली मन ल सामान सप्लाई करने वाला बीजेपी नेता सहित दू आरोपी ल रंगे हाथ ट्रैक्टर सप्लाई करत गिरफ्तार करे हे. एखर पहली कांकेर म नक्सली मन के शहरी नेटवर्क ले जुड़े कई लोग मन के गिरफ्तारी हो चुके हे.
पुलिस के अनुसार गिरफ्तार नक्सली सहयोगी भाजपा के जिला उपाध्यक्ष जगत पुजारी हे. एखर अलावा एक अन्य मददगार रमेश उसेंडी घलो गिरफ्तार होय हे. ये दुनो ह इंद्रावती एरिया कमेटी म सक्रिय 5 लाख के इनामी माओवादी अजय अलामी जनमिलिशिया कमांडर ल ट्रैक्टर सहित नागर सप्लाई करत रहिस. इही बेरा म बारसूर पुलिस ह कार्रवाई करत हुए ये मन ल पकड़े हे.
