मुखबिरी के शक म नक्सली मन ह करिस एम्बुलेंस चालक के हत्या

नारायणपुर, 31 जनवरी 2021। नारायणपुर जिला ले नक्सली मन के द्वारा हत्या करे के खबर आगु आये हे। नक्सली मन ह शुक्रवार संझा के मुखबिर होय के शक म एक एम्बुलेंस चालक ल मार डालिस। पुलिस ह रविवार के ये घटना के जानकारी दीस हे। अधिकारी ह बतइन कि जयराम उसेंडी (35) अपन भाई पीला दास उसेंडी के संग स्थानीय बाजार म गए रहिस। उहीं दौरान हथियारबंद नक्सली मन ह ओला घेर लिस, जयराम उपर पुलिस के मुखबिर होय के झूठा आरोप लगाए गिस। ओखर उपर डंडा अउ धारदार हथियार मन ले हमला करिस। एखर ले ओखर मउत होगे। ओखर भाई भाग के जंगल म छुप गिस अउ शनिवार के पुलिस ल मामला के जानकारी दीस। अधिकारी ह कहिन कि मृतक धनोरा प्राथमिक स्वास्थ्य केंद्र म एम्बुलेंस चालक के तौर म काम करत रहिस।