दंतेवाड़ा म नक्सली के मंसूबा नाकाम…सुरक्षाबल सतर्कता ले भारी मात्रा म स्पाईक्स बरामद

दंतेवाड़ा, 14 अक्टूबर 2020। सर्चिंग म निकलिस CRPF के 231 बटालियन के जवान मन ह फिर ले एक बार माओवादी द्वारा नुकसान पहुचाय के मंसूबा म पानी फेर दीस। मिले जानकारी के मुताबिक कोण्डासॉवली कैम्प ले गांव दोरापारा अउ कौण्डासांवली के डाहर नक्सली मन के बढ़त गतिविधी म अंकुश लगाय के उदेश्य ले गस्त पार्टी निकाले रिहिस। ये दौरान डियुटी पार्टी कोण्डासांवली गांव ले सीआरपीएफ कैम्प कौंडासावली के तरफ ऐरिया ल बारीकी ले तलाशी लेत हुए लौटत रिहिस तभे रास्ता म बटालियन के बम्ब निरोधक दस्ता अउ डॉग के द्वारा कुल 79 नग आईरन (लोहे) स्पाईक्स जे 06 नग लकडी के टुकड़ा म नक्सली द्वारा अलग-अलग जगह म खड्डा खोद के सुरक्षा बल ल नुकसान पहुचाय के इरादा ले लगाया रिहिस। जेखर ले जवान मन द्वारा सफलता पूर्वक बरामद करिन। ये ह अत्यधिक घोर नक्सल प्रभावित ईलाका हरे जेमा 231 बटालियन सी०आर०पी०एफ० द्वारा गत 03 वर्ष म नक्सली द्वारा लगाय गे लगभग 179 स्पाईक्स ल ढूंढ निकाल के निष्क्रिय करे जा चुके हे।