दंतेवाड़ा, 02 अगस्त 2020। दंतेवाड़ा म एक 8 लाख रुपिया के इनामी नक्सली ह आत्मसमर्पण करे हे। आत्मसमर्पित नक्सली के नाम मल्ला तामो हे। जोन ह भैरमगढ़ एरिया के पश्चिम बस्तर डिवीजन कमेटी म सक्रिय रिहिस हे अउ प्लाटून नंबर 13 के डिप्टी कमांडर रिहिस । बताये जावत हे कि मल्ला तामो ह पुलिस डाहर ले बस्तर म चलाए जावत लोन वाराटू अभियान ले प्रभावित होके सीआरपीएफ के डीआईजी अउ दंतेवाड़ा एसपी के आगु आत्मसमर्पण करिस। मल्ला तामो ल आत्मसमर्पण बर ओखर बहनी ह प्रोत्साहित करे रिहिस। नक्सली मन के संपर्क म आये के बाद वो घर छोड़ चुके रिहिस। अब वो 13 साल बाद बहनी ले राखी बंधवाये बर जावत हे।
दंतेवाड़ा म 8 लाख के इनामी नक्सली ह करिस सरेंडर, 13 साल बाद बहनी ले बंधवाही राखी
