सुरक्षा बल मन के जुरमिल के करे उदीम, मजबूत कैम्प व्यवस्था अउ बने कनेक्टिविटी ले माओवादी प्रभाव क्षेत्र लगातार सिमटत हे – मुख्यमंत्री श्री विष्णुदेव साय
रायपुर, किस्टाराम क्षेत्र म 8 लाख रुपिया के इनामी चार सक्रिय माओवादी कैडर मन के हिंसा के रद्दा छोड़ के मुख्यधारा ले जुड़े के फैसला बस्तर म बढ़त विश्वास, सुरक्षा अउ विकास के वातावरण के साफ सबूत हरे।
मुख्यमंत्री श्री विष्णु देव साय ह कहिन हे के “नक्सल मुक्त बस्तर – सुरक्षित छत्तीसगढ़” के संकल्प अब जमीनी स्तर म पूरा होत दिखत हे।
मुख्यमंत्री श्री साय ह कहिन के ए बदलाव सुरक्षा बल मन के मिलजुल के अउ सरलग करे गए उदीम, मजबूत कैम्प व्यवस्था, प्रभावी क्षेत्रीय उपस्थिति अउ बने सड़क अउ संचार कनेक्टिविटी के सीधा नतीजा हरे। ए प्रयास मन ले माओवादी प्रभाव क्षेत्र सरलग कम होत जात हे अउ उंकर सामाजिक आधार कमजोर होत हे।
उमन कहिन के राज्य सरकार के साफ नीति हे के जे मन हिंसा छोड़ के समाज के मुख्यधारा म लहूटना चाहत हें, ओमन ल मौका, सुरक्षा अउ सम्मान वाले जीवन दे जाय। बस्तर म शांति, विश्वास अउ विकास के ए यात्रा आघू घलोक पूरा लगन के साथ जारी रइही।