नक्सलवाद के विरूद्ध चौतरफा लड़ाई लड़े के जरूरत: मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल ले आज इहां ऊंखर निवास कार्यालय म भारत भ्रमण म छत्तीसगढ़ आये भारतीय पुलिस सेवा के 22 प्रशिक्षु युवा अधिकारी मन ह सौजन्य मुलाकात करिन। मुख्यमंत्री ह ओ मन ल छत्तीसगढ़ के स्थिति अउ राज्य के चुनौती मन के जानकारी दीन। उमन युवा अधिकारी मन ले राज्य के नक्सल समस्या के बारे म घलोक विस्तार ले चर्चा करिन। उमन बताइन कि छत्तीसगढ़ के चुनौती देश के आन राज्य मन ले कुछ अलग हे। इहां के बस्तर म 60 ले 80 प्रतिशत आदिवासी निवास करथें। उंखर जीवन जंगल उपर निर्भर हे। इहां के अबूझमाड़ क्षेत्र के जमीन के अभी तक राजस्व के दृष्टि ले सर्वेक्षण नइ हो पाए हे। ए क्षेत्र म गरीबी अऊ बेरोजगारी जइसे समस्या हे। नक्सली इहां के विकास नइ होए देवत हें। जब इहां सड़क बनथे त मनखे मन ल लगना चाही कि ये सड़क ऊंखर अऊ क्षेत्र के विकास बर उन्नति अऊ विकास के रस्‍ता खोलही।