मुख्यमंत्री निवास म दस बछर बाद एनसीसी कैडेट मन बर ‘एट होम विथ सीएम’ के आयोजन
नई दिल्ली म गणतंत्र दिवस परेड म सामिल अऊ कई ठन गतिविधि मन म उत्कृष्ट प्रदर्शन करइया कैडेट मन के करे गीस सम्मान
रायपुर. 11 फरवरी 2021। मुख्यमंत्री श्री भूपेश बघेल ह काली अपन निवास कार्यालय म आयोजित ‘एट होम विथ सीएम’ कार्यक्रम म एनसीसी के कैडेट मन ल संबोधित करत कहिन कि मेहनत, अनुशासन अऊ समर्पण जीवन म सफलता हासिल करे के असली मंत्र ये। एकर बदौलत कोनो लक्ष्य ल हासिल करे जा सकत हे। उमन नई दिल्ली म आयोजित गणतंत्र दिवस परेड म हिस्सा लेवइया कैडेट मन ल बधाई देवत कहिन कि ए उपलब्धि ल हासिल करना हर एनसीसी कैडेट के सपना होथे। उमन कार्यक्रम म गणतंत्र दिवस परेड के राष्ट्रीय आयोजन म छत्तीसगढ़ के प्रतिनिधित्व करइया अऊ कई ठन एनसीसी गतिविधि मन म उत्कृष्ट प्रदर्शन करइया कैडेट मन ल सम्मानित करिन। स्कूल शिक्षा मंत्री डॉ. प्रेमसाय सिंह टेकाम, छत्तीसगढ़ गृह निर्माण मंडल के अध्यक्ष श्री कुलदीप जुनेजा, स्कूल शिक्षा विभाग के प्रमुख सचिव डॉ. आलोक शुक्ला, कलेक्टर डॉ. एस. भारतीदासन अऊ एनसीसी के मध्यप्रदेश-छत्तीसगढ़ निदेशालय के अकतहा महानिदेशक मेजर जनरल श्री संजय शर्मा संग एनसीसी के वरिष्ठ अधिकारी घलोक ‘एट होम विथ सीएम’ कार्यक्रम म सामिल होइन।
