बिलासपुर एनसीईआरटी पाठ्यक्रम अधारित कक्षा 11वीं अउ 12वीं के पुस्तक बेचाए बर उपलब्ध
छत्तीसगढ़ पाठ्यपुस्तक निगम डाहर एनसीईआरटी पाठ्यक्रम अधारित कक्षा 11वीं अउ 12वीं के पाठ्यपुस्तक छपई कराके बेचे बर उपलब्ध कराए गे हे। ये पाठ्यपुस्तक मन ल निगम के डिपो रायपुर, कांकेर, जगदलपुर, राजनांदगांव, कबीरधाम, बिलासपुर, रायगढ़ अउ अंबिकापुर ले प्राप्त करे जा सकत हे, संगे संग निगम म पंजीकृत दुकानदार मन ले तको क्रय करे जा सकत हे। जिला शिक्षा अधिकारी बिलासपुर मन बताइन कि पाठ्यपुस्तक मन के विषयवस्तु पूरी तरह एनसीईआरटी पाठ्यक्रम के होए के सेति कोनो किसम के भी गाईड या बाजार म प्रकाशित होवइया दूसर निजी प्रकाशक मन के पाठ्यपुस्तक मन के तुलना म अधिक गुणवत्तायुक्त हवय। ये पुस्तक मन के उपयोग प्रतियोगी परीक्षा मन म होथे, संग म इन्कर मूल्य बाजार म बिकइया कोनो भी निजी प्रकाशक के पुस्तक के मूल्य ले अड़बड़े कमती हे। कहूँ विद्यालय, विद्यार्थी या अभिभावक सोज्झे डिपो ले पुस्तक खरीदत हे त हरेक पुस्तक के मूल्य म 15 प्रतिशत के कमीशन उन मन ल दिये जाही। ये पुस्तक मन ऑनलाईन निगम के वेबसाईट म जाकर घलो क्रय करे जा सकत हे।
ऑनलाईन आर्डर करे म भारतीय डाक पोस्ट या कूरियर के माध्यम ले छात्र मन ल 7 ले 10 दिन के भीतर प्राप्त हो जाही। निगम डाहर ले डाक व्यय के वहन घलो पुस्तक मनं के एक निश्चित मूल्य अउं वजन तक बर करे जाही। पुस्तक मन के मूल्य उपर अधिकतम 25 प्रतिशत के राशि के उपयोग डाक व्यय म निगम डाहर ले करे जाही। पाठ्यपुस्तक मन ल बिलासपुर जिला म निगम डाहर ले पंजीकृत पुस्तक विक्रेता संजय बुक डिपो पेण्ड्रारोड, श्री बुक डिपो बिलासपुर, बालाजी पुस्तकालय तारबहार बिलासपुर, अग्रवाल बुक डिपो बिलासपुर, भारत बुक डिपो बिलासपुर, नवीन विद्या भवन बिलासपुर, विद्या मंदिर खपरगंज बिलासपुर, ज्ञान मंदिर गोल बाजार बिलासपुर, बुक हाउस बिलासपुर ले घलो प्राप्त करे जा सकत हे।
चटकारा
गुरूजी:- रटंत बि़द्या खोदन्त पानी।
चंगू:- दूनों म हे मेहनत के चानी।
गुरूजी:- पढ़ौ लिखौ झन करौ नदानी।
चंगू -मंगू:- अप्पढ़ मन ह जोतौ नाँगर पढ़ लिख के फँदावौ घानी।।
