रायपुर, छत्तीसगढ़ के स्वास्थ्य मंत्री टीएस सिंहदेव कोरोना ले चंगा हो गए हें। आज उंकर कोरोना टेस्ट रिपोट नेगेटिव आए हे। कोरोना संक्रमित होए म उमन होम आईसोलेसन म रहिन।
I thank all those who were constantly concerned about my health!
Thank you to the doctors, well wishers & the higher power that I have tested negative today.I thank all those who had expressed their worry concerned to my covid- 19 infection.
— T S Singhdeo (@TS_SinghDeo) January 8, 2022
कोरोना के छत्तीसगढ़ म बाढ़त केस ह सरकार तको ल चिंता म डार देहे हे। जानबा हे के छत्तीसगढ़ म 2828 नवा केस मिले हे। एती चंदखुरी स्थित नेताजी सुभाष चंद्र बोस राज्य पुलिस अकादमी परिसर म कोरोना विस्फोट होए के खभर हे। उहां के 6 ले जादा रहवइया मन कोरोना पॉजिटिव पाए गए हें। जिनकर उमर 30 ले 34 साल के बीच हे। सुकरवार के अकादमी म 10वां अऊ 11वां बैच के पासिंग आउट परेड होए रहिस। मुख्यमंत्री भूपेश बघेल, गृहमंत्री ताम्रध्वज साहू अऊ नगरीय प्रशासन मंत्री डॉ. शिव डहरिया संग वरिष्ठ पुलिस अधिकारी मन ये आयोजन म संघरे रहिन। स्वास्थ्य विभाग के मुताबिक सुकरवार के प्रदेश म 44 हजार 773 नमूना के जांच करे गए रहिस। ये दौरान 2 हजार 828 नवा मामला के पुस्टि होइस। ये मान ले प्रदेश के संक्रमण दर खतरा के निशान ल पार करके 6.32% तक पहुंच गए हे। सबले जादा 899 केस अकेल्ला रायपुर के हे। एमां 72 संक्रमित के उमर 1 साल ले 18साल के बीच हे।
