मंत्री श्री नेताम ह केन्द्रीय कृषि अउ जनजाति कार्य मंत्री श्री अर्जुन मुण्डा ले करिन सौजन्य मुलाकात

रायपुर, 20 फरवरी 2024। छत्तीसगढ़ के कृषि विकास अऊ आदिम जाति कल्याण मंत्री श्री राम विचार नेताम ह आज अपन दिल्ली प्रवास के समय केन्द्रीय कृषि अउ जनजाति कार्य मंत्री श्री अर्जुन मुण्डा ले सौजन्य मुलाकात करिन।
कृषि मंत्री श्री नेताम ह छत्तीसगढ़ के किसान मन के भविष्य के चिन्ता करत उंखर आय दुगुना करे बर केन्द्रीय मंत्री श्री अर्जुन मुण्डा ले तकनीकि पहलु मन उपर विस्तार ले चर्चा करिन। प्रदेश म किसान मन ल धान के अलावा लघु धान्य फसल मन के प्रति जागरूक करे म घलोक चर्चा करे गीस। ए मौका म मंत्री मन ह छत्तीसगढ़ म इथेनॉल तैयार करे बर मक्का के फसल के संभावना मन उपर घलोक विस्तारपूर्वक चर्चा करिन।