किसान मन ल दाम, युवा मन ल काम, महिला मन के सम्मान, संस्कृति के पहिचान अऊ आदिवासी मन के उत्थान के संग गढ़त हन नवा छत्तीसगढ़ – मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल ह आज कहिन के किसान मन ल उंखर उपज के अच्छा दाम, युवा मन ल रोजगार, महिला मन ल पूर्ण सम्मान अऊ स्थानीय संस्कृति ल नवा पहिचान देके अऊ आदिवासी मन के उत्थान करके हम नवा छत्तीसगढ़ गढ़त हन। ‘ग्राम स्वराज’ के स्वप्नद्रष्टा राष्ट्रपिता महात्मा गांधी के 150वां वर्षगांठ म ग्रामीण अर्थव्यवस्था के मजबूती बर छत्तीसगढ़ म सुराजी गांव योजना के शुरूआत करे गीस। मनखे मन ल आर्थिक रूप ले संपन्न बनाए बर किसान मन के कर्जमाफी, बने कीमत म फसल के खरीदी, वनोपज मन के खरीदी अऊ ऊंखर मूल्य संवर्धन (Value Addition) बर प्रसंस्करण इकाईय मन के स्थापना जइसे कई काम करे हन। मुख्यमंत्री श्री भूपेश बघेल ह आज रायपुर म ‘आउटलुक ग्रुप’ कोति ले आयोजित ‘स्पीकआउट छत्तीसगढ़-2021’ ल संबोधित करत ये विचार व्यक्त करिन। उमन कार्यक्रम म उत्कृष्ट काम करईया महिला स्वसहायता समूह मन ल सम्मानित तको करिन।