नवा मुख्यमंत्री श्री विष्णु देव साय ल नागरिक मन ह दीन बधाईं

रायपुर, 11 दिसम्बर 2023
छत्तीसगढ़ के नवा मुख्यमंत्री श्री विष्णु देव साय ले आज राजधानी रायपुर के राज्य अतिथि गृह (पहुंना) म प्रदेश के कई जिला मन ले आए पंचायत अउ नगरीय निकाय के प्रतिनिधि अउ आम नागरिक मन ह सौजन्य मुलाकात करके नवा जुम्मेदारी मिले म ओ मन ल बधाई अउ शुभकामना दीन। मुख्यमंत्री श्री साय ह शुभकामना मन बर आम नागरिक के धन्यवाद ज्ञापित करिन। ये बेरा म जशपुर विधायक श्रीमती रायमुनी भगत, कोन्टा के विधायक श्री कवासी लखमा, पूर्व राज्यसभा सांसद श्री भूषण लाल जांगड़े, पूर्व जिला पंचायत अध्यक्ष श्रीमती सरला कोसरिया, कई ठन अधिकारी मन संग बड़ संख्या म गणमान्य नागरिक मौजूद रहिन।