महिला मन ल शोषण ले बचाए बर पुलिस के नवा पहल, ‘चुप नई रहन’ अभियान शुरू

कवर्धा, 26 अक्टूबर 2020। महिला मन ल शोषण ले मुक्त कराए अऊ न्याय दिलाए बर पुलिस अधीक्षक के दिशा निर्देश म थाना लोहारा पुलिस ह एक नवा पहल के शुरुआत करिन हे। पुलिस ह ‘चुप नई रहन’ अभियान शुरू करिन हे। एखर अंतर्गत महिला मन ह अपन संग होवत अन्याय शोषण अऊ प्रताड़ना के जानकारी घर ले ही फोन अऊ व्हाटसप के माध्यम ले दे सकही। प्राप्त शिकायत म तत्काल दोषी के विरुद्ध कठोर कानूनी कार्यवाही करे जाही। एखर बर थाना डाहर ले व्हाटसप नम्बर अऊ फोन नम्बर जारी करे गे हे। एखर माध्यम ले महिला मन अपन शिकायत दर्ज करा सकत हे। एला लोहारा पुलिस त्वरित कार्यवाही करके पीड़ित महिला ल न्याय अऊ सुरक्षा उपलबध कराही। अभियान के प्रचार प्रसार अऊ महिला मन ल जागरूक करे बर बैनर,पोस्टर थाना क्षेत्र म चस्पा दे हे।