सुशासन के नवा पहल: ऑनलाईन छात्रवृत्ति अऊ शिष्यवृत्ति भुगतान खातिर समय-सीमा निरधारित

मुख्यमंत्री ह 1.98 लाख पढ़ईया लईका मन के खाता म 84.66 करोड़ रूपिया के शिष्यवृत्ति अऊ छात्रवृति ऑनलाईन अंतरित करिस
एसटी, एससी, ओबीसी, अल्पसंख्यक अऊ आर्थिक रूप ले कमजोर वर्ग के पढ़ईया लईका मन बर नवा सुविधा
तकनीकी अऊ प्रोफेशनल पाठ्यक्रम म पढ़ाई करइया पढ़ईया लईका मन ल घलोक अब ऑनलाईन मिलही छात्रवृत्ति
नवा व्यवस्था म महिना जून, सितंबर, अकटूबर अऊ दिसंबर म अंतरित करे जाही राशि
रायपुर, मुख्यमंत्री श्री विष्णु देव साय के पहल म राज्य के शैक्षणिक संस्थान, आश्रम-छात्रावास अऊ तकनीकी अऊ प्रोफेशनल पाठ्यक्रम म पढ़ाई करइया अनुसूचित जाति, जनजाति, पिछड़ा वर्ग, अल्पसंख्यक अऊ आर्थिक रूप ले कमजोर वर्ग के पढ़ईया लईका मन ल शिष्यवृत्ति अऊ छात्रवृत्ति के भुगतान अब ऊंखर बैंक खाता म ऑनलाईन करे जात हे। मुख्यमंत्री श्री साय ह आज मंत्रालय, महानदी भवन म आयोजित कार्यक्रम म ए वर्ग के 1.98 लाख पढ़ईया लईका मन के बैंक खाता म 84.66 करोड़ रूपिया के शिष्यवृत्ति अऊ छात्रवृत्ति ऑनलाईन अंतरित करिन।
प्रमुख सचिव श्री सोनमणि बोरा ह बताइस के प्री. मैट्रिक, पोस्ट मैट्रिक छात्रवृति अऊ शिष्यवृत्ति भुगतान खातिर नवा व्यवस्था म महिना जून, सितंबर, अकटूबर अऊ दिसंबर म पढ़ईया लईका मन ल ऑनलाईन भुगतान करे जाही। ए पहल ले छात्र मन ल शैक्षणिक अध्ययन के समय होवइया आर्थिक समस्या ले निजात मिलही। छात्रवृत्ति पहिली पढ़ईया लईका मन ल दिसंबर अऊ फरवरी-मार्च म साल म एक पइत छात्रवृति अऊ शिष्यवृति के राशि देहे जात रहिस।
प्रमुख सचिव श्री बोरा ह बताइस के मुख्यमंत्री श्री साय के अगुवई म सुशासन के दिशा म ए उदीम मन ले शासन-प्रशासन ल पहिली के तुलना म अपेक्षाकृत जादा जवाबदेही अऊ पारदर्शी बनाय गए हे। श्री बोरा ह बताइस के मुख्यमंत्री श्री साय के हाथ आज आश्रम-छात्रावास मन के 1 लाख 86 हजार 50 पढ़ईया लईका मन ल शिष्यवृति के दूसर किश्त के राशि 79 करोड़ 27 लाख रूपिया अऊ पो. मैट्रिक छात्रवृत्ति के 12 हजार 142 पढ़ईया लईका मन ल 5 करोड़ 38 लाख 81 हजार रूपिया पढ़ईया लईका मन के बैंक खाता म राशि अंतरित करे गीस।
प्रमुख सचिव श्री बोरा ह बताइस कि पढ़ईया लईका मन ल शिष्यवृत्ति अऊ छात्रवृत्ति ऑनलाईन भुगतान के शुरूआत मुख्यमंत्री श्री विष्णुदेव साय के हाथ पहली पइत 10 जून 2025 के करे गए रहिस। राज्य म संचालित सबो प्री. मैट्रिक छात्रावास अऊ आश्रम मन ल शैक्षणिक सत्र चालू होए के पहिलिच शिष्यवृति के पहिली किश्त राशि 77 करोड़ रूपिया अऊ पोस्ट मैट्रिक छात्रावास मन म अध्ययनरत छात्र मन बर भोजन सहाय के पहिली किश्त के रूप म राशि 8.93 करोड़ रूपिया, ए प्रकार ले कुल 85 करोड़ रूपिया के राशि जारी करके एक अभिनव पहल करे गीस। संगेच एखर दूसर चरण म 17 जून 2025 के 8370 पढ़ईया लईका मन ल छात्रवृति के राशि 6.2 करोड़ रूपिया के ऑनलाइन अंतरण करे गए रहिस।
ए अवसर म आदिम जाति विकास मंत्री श्री रामविचार नेताम, वन अऊ जलवायु बदलाव मंत्री श्री केदार कश्यप, स्वास्थ्य मंत्री श्री श्याम बिहारी जायसवाल, वित्त मंत्री श्री ओ.पी. चौधरी, राजस्व मंत्री श्री टंकराम वर्मा, स्कूल शिक्षा मंत्री श्री गजेन्द्र यादव, अनुसूचित जाति विकास मंत्री गुरू खुशवंत साहेब, पर्यटन मंत्री श्री राजेश अग्रवाल, मुख्यमंत्री के प्रमुख सचिव श्री सुबोध सिंह, आदिम जाति, अनुसूचित जाति अऊ पिछड़ा वर्ग अऊ अल्पसंख्यक विकास विभाग के आयुक्त डॉ. सारांश मित्तर घलोक उपस्थित रहिन।