रायपुर, 28 जून 2020। राजधानी म कुशालपुर के डबरीपारा म 25 वर्षीय नवविवाहिता ह खुद के ऊपर केरोसीन डाल के आगी लगा लिस. जेखर ले ओखर मउका म ही मउत होगे हे. घटना बिहनिया 6:30 बजे के आसपास के हे. आत्महत्या करे के पीछू के वजह साफ नई हो पाये हे. पुरानी बस्ती थाना कंटेंनमेंट होय के कारण डीडी नगर पुलिस मर्ग कायम कर जांच म जुट गे हे.
डीडीनगर थाना प्रभारी योगिता खापर्डे के अनुसार लोहरसी पाटन निवासी राजकुमारी ध्रुव के 15 दिन पहली ही तेजराम ध्रुव नाम के व्यक्ति के संग बिहाव होय रहिस. मृतका के पति पेंटर हे. रविवार सुबह 6:30 बजे अपन बेडरूम ले लगे एक कमरा म वो खुद के ऊपर केरोसीन डाल के आगी लगा लिस. ये घटना ले राजकुमारी के मउका म ही मउत होगे.
