बिलासपुर, 28 नवंबर 2020। नरवा विकास कार्यक्रम छत्तीसगढ़ शासन के एक महती योजना हे। प्रदेश सरकार के नरवा विकास परियोजना के कार्य जिला म तेजी ले होवत हे। ए परियोजना ले जिला के किसान मन के जीवन म अब बदलाव आए लगे हे। किसान मन ल सिंचाई सुविधा मिले के संग ही उंखर जीवन स्तर म घलो सुधार आवत हे।
विकासखंड मस्तूरी के ग्राम पंचायत केंवटाडीह के ग्राम गिनौरीडीह म घलो किसान मन ल अब बरसात के पानी ऊपर निर्भर रहे के आवश्यकता नई हे। इहाँ मनरेगा ले 18.59 लाख के लागत ले सुरखी नाला म जल संरक्षण बर वेस्ट वियर के निर्माण करे गए हे। एखर निर्माण ले 105 किसान मन ल सिंचाई सुविधा मिलत हे अउ 210 एकड़ कृषि भूमि सिंचित होवत हे। अब किसान दोहरी फसल घलो ले बर लगे हे। दोहरी फसल ले से उंखर आवक घलो बढ़गे हे। किसान मन ल पेयजल, सिंचाई सहित निस्तारी कार्य बर वर्ष भर जल के उपलब्धता बने रथे। स्थानीय किसान मन ह ए वेस्ट वियर लाभ के बारे म जानकारी देवत हुए बतइस कि जल के भराव बने रहे ले ग्रामीण मन ल सिंचाई बर हमेशा जल के उपलब्धता बने रथे। एखर ले फसल के पैदावार घलो अच्छा होथे। किसान म ह कहिन कि मुख्यमंत्री भूपेश बघेल द्वारा किसान मन के हित म अनेक फैसला लेहे जावत हे। हमर ग्राम पंचायत म जल संरक्षण बर करे गए ए उपाय ले हमन ल किसानी कार्य म बहुत मदद मिले हे।
