रायपुर, 22 मई 2020। कोरोना ह आज राज्य म नवा रिकॉर्ड बनाये हे. एक ही दिन म 40 पॉजिटिव केस मिले हे जोन हैरान करने वाला हे. एक समय कहे जावत रहिस कि राज्य ले कोरोना खत्म होने वाला हे. कुल 4 केस अस्पताल म भर्ती रहिस अउ अब तो एक ही दिन म 40 केस मिले हे. अउ अब पॉजिटिव केस के आंकड़ा 100 के पार पहुच चुके हे. 40 केस एक ही दिन म मिलना चौका देने वाला नई बल्कि डराने वाला हे. जोन छत्तीसगढ़ म भूपेश बघेल सरकार ह शुरुआती दौर म कोरोना ल नियंत्रित रखे म शानदार सफलता पाये रहिस उही राज्य म लॉक डाउन 4 म मिले छूट के बाद कोरोना अब्बड़ तेजी ले पैर पसारत हवय. कोरोना राज्य म बलौदाबाजार, बालोद, मुंगेली, राजिम, कांकेर जइसे ग्रीन जोन म घलो पहुंच के ताल ठोकत हे. कांकेर जइसे आदिवासी क्षेत्र म घलो कोरोना ह दस्तक दे दिये हे. अब दक्षिण बस्तर भर बस ओखर पहुंच ले बाहिर दिखत हे. जम्मो सरकारी सख्ती अउ एहतियाती प्रशासनिक उपाय मन के संग जनता ल खुद के घर मन म कैद रखना घलो अब बेकार होवत नजर आवत हे. छत्तीसगढ़ म भूपेश बघेल सरकार के पुराना मैनेजमेंट तारीफ के काबिल रहिस लेकिन लॉक डाउन के बाद सबो किए कराए म पानी फिरत नजर आवत हे. राज्य म आज मिले 40 नवा कोरोना पाॅजिटिव मरीज म कोरबा ले 12, बलौदाबाजार ले 06, कवर्धा ले 05, बालोद व कांकेर ले 4-4, गरियाबंद ले 03, राजनांदगांव ले 2 अउ जांजगीर,बिलासपुर,बेमेतरा व बलरामपुर ले 1-1 मरीज मिले हे. अब कुल मिलाके प्रदेश म एक्टिव मरीज मन के संख्या 110 हो चुके हे.
राज्य में आज 40 नये कोरोना पाॅजिटिव मरीजों की पहचान की गई है जिला कोरबा में 12, बलौदाबाजार से 06,कवर्धा में 05, बालोद व कांकेर में 4-4, गरियाबंद में 03,राजनांदगांव में 2 तथा जांजगीर,बिलासपुर,बेमेतरा व बलरामपुर में1-1मरीज मिले हैं। कुल सक्रिय मरीजों की संख्या 110 हो गई है।
— Health Department CG (@HealthCgGov) May 22, 2020
