मुख्यमंत्री के काफिला म नवा टोयोटा फॉर्च्यूनर मोटर संघरिस

रायपुर, मुख्यमंत्री श्री भूपेश बघेल के काफिला म अत्याधुनिक सुरक्षा मानक ले लैस काला रंग के नवा टोयोटा फॉर्च्यूनर वाहन सामिल करे गए हे। मुख्यमंत्री श्री बघेल ह बिहरिया इहां अपन निवास परिसर म अपन काफिला म सामिल होवत ए नवा वाहन मन के मंत्रोच्चार अऊ विधि-विधान के संग पूजा-अर्चना करिन। मुख्यमंत्री एखर बाद नवा वाहन मन के काफिला म पुलिस लाइन रायपुर हेलीपेड बर रवाना होइन। जिहां ले ओ मन हेलीकॉप्टर ले कांकेर जिला के भानुप्रतापपुर म आयोजित होवइया कार्यक्रम बर रवाना होइन।
जानबा हे कि मुख्यमंत्री श्री बघेल के काफिला के जुन्ना मोटर मन करीब पांच साल चल गए हे। सुरक्षा कारण ले ए गाड़ी मन ल बदले गए हे। जुन्ना गाड़ी मन एक लाख 30 हजार किलोमीटर ले जादा चल गे हे।