रायपुर, 1 मार्च 2024। उप मुख्यमंत्री श्री अरुण साव अउ स्वास्थ्य मंत्री अउ गौरेला-पेंड्रा-मरवाही जिला के प्रभारी मंत्री श्री श्याम बिहारी जायसवाल आज पेंड्रा म स्कूली लइका मन के न्योता भोज म सामिल होइन। उमन बड़ मया ले लइका मन ल भोजन परोसिन अऊ ऊंखर संग भुइंया म बइठ के जेवन करिन। प्रधानमंत्री पोषण शक्ति योजना के तहत स्वामी आत्मानंद उत्कृष्ट अंगरेजी माध्यम विद्यालय पेण्ड्रा म गौरेला-पेंड्रा-मरवाही जिला प्रशासन कोति ले आयोजित न्योता भोज म उप मुख्यमंत्री श्री अरुण साव, स्वास्थ्य मंत्री श्री श्याम बिहारी जायसवाल, विधायक श्री धरमलाल कौशिक, श्री प्रणव कुमार मरपच्ची अऊ श्री किरण सिंह देव ह लइका मन ल खीर, पूड़ी, पुलाव, पापड़, सलाद, चटनी अऊ केला परोसिन। उमन नान्हे लइका मन ल अपन हाथ ले खाना खवाइन अऊ ऊंखर संग लाइन म बइठके भोजन करिन। उप मुख्यमंत्री, स्वास्थ्य मंत्री अऊ विधायकों के संग जनप्रतिनिधि मन ह लइका मन के संग पौष्टिक अऊ स्वादिष्ट न्योता भोज करिन।
न्योता भोज म सामिल होइन उप मुख्यमंत्री श्री अरुण साव अऊ स्वास्थ्य मंत्री श्री श्याम बिहारी जायसवाल
