रायपुर, 31 जुलाई 2020। मुख्यमंत्री श्री भूपेश बघेल आज इहां छत्तीसगढ़ राज्य अक्षय ऊर्जा विकास अभिकरण के नव-नियुक्त अध्यक्ष श्री मिथिलेश स्वर्णकार के कार्यभार ग्रहण कार्यक्रम म सामिल होइन। उमन श्री स्वर्णकार ल नवा दायित्व मिले म बधाई अऊ शुभकामना दीन। श्री स्वर्णकार ह वीआईपी रोड स्थित छत्तीसगढ़ राज्य अक्षय ऊर्जा विकास अभिकरण के कार्यालय म कार्यभार ग्रहण करिन। मुख्यमंत्री ह ये बेरा म कहिन के आज सौर ऊर्जा के जरूरत हे अऊ एखर बड़ मांग घलोक हे। उमन क्रेडा के नव-नियुक्त अध्यक्ष श्री स्वर्णकार ल शुभकामना देवत कहिन के मोला पूरा विश्वास हे कि श्री स्वर्णकार शासन के नीति मन के मुताबिक जनता के हित म सौर ऊर्जा ल बढ़ावा देहे के काम करहीं।
ये बेरा म उद्योग मंत्री श्री कवासी लखमा, छत्तीसगढ़ राज्य खनिज विकास निगम के अध्यक्ष श्री गिरीश देवांगन, राज्य खाद्य अउर आपूर्ति निगम के अध्यक्ष श्री रामगोपाल अग्रवाल, मुख्यमंत्री के सलाहकार श्री विनोद वर्मा, मुख्यमंत्री के अपर मुख्य सचिव श्री सुब्रत साहू अऊ नगर निगम जगदलपुर के महापौर श्रीमती सफीरा साहू घलोक उपस्थित रहिन