रायपुर, 13 अगस्त 2020। छत्तीसगढ़ राज्य के न्यूज वेबसाइट अऊ पोर्टल मन ल विज्ञापन देहे बर इम्पेनल करे जाही। जनसंपर्क विभाग ह ए संबंध म अधिसूचना जारी कर देहे हे, जऊन राजपत्र म प्रकाशन तारीक ले प्रभावशील हो जाही।
ए संबंध म बताए गए हे के राज्य के अइसन न्यूज वेबसाइट अऊ पोर्टल जेकर डीएवीपी म इंपैनलमेंट नइ हे। ओ मन ल छत्तीसगढ़ म इंपैनल करे जाही। इंपैनलमेंट बर पाछू छै महिना के औसत यूजर संख्या ल देखे जाही। संगेच न्यूज वेबसाइट कम से कम 1 साल जुन्ना अऊ सक्रिय होना चाही। इंपैनलमेंट के कार्यवाही जनसंपर्क संचालनालय स्तर म होही। जल्दिच एखर बर समिति के गठन करे जाही अऊ निरधारित प्रारूप म इम्पेनल बर आवेदन आमंत्रित करे जाही। डीएवीपी म इंपैनल न्यूज वेबसाइट मन ल डीएवीपी के दर अऊ मापदंड के आधार म विज्ञापन दिए जा सकही।