रायपुर, 31 अक्टूबर 2020। छत्तीसगढ़ पुलिस ल ड्रग्स मामला म बड़का कामयाबी मिले हे। पुलिस ह छत्तीसगढ़ म ड्रग्स कारोबार करने वाला मुख्य सरगरना ल मुंबई ले गिरफ्तार करिन हे। गिरफ्तार आरोपी नाइजिरियन हे, जेखर नाम पैट्रिक यूबीके बावको हे। ए लंबा बेरा ले ड्रग्स के कारोबार ले जुड़े रहे हे।
बतादन कि छत्तीसगढ़ पुलिस ह ड्रग्स मामला म मुंबई निवासी रायडन बोथलो ल गिरफ्तार करे रिहिन। सख्ती ले पुछताछ के बाद आरोपी ह ड्रग्स के मुख्य सरगना नाइजिरियन पैट्रिक यूबीके बावको के खुलासा करे रिहिस। ओखर बाद पुलिस के दू टीम मुंबई पुलिस के मदद ले ड्रग माफिया के छानबीन शुरू कर दे रिहिन।
अतिरिक्त पुलिस अधीक्षक लखन पटले ह बतइस कि ए मामला म जोन लोगन बाहर ले रायपुर के ड्रग्स पैडलर्स ल कोकीन मुहैया करवात रिहिस। उंखर गिरफ़्तारी कर ले गे हे। रायपुर पुलिस ह मुंबई निवासी रायडन अऊ पैट्रिक यूबीके ल गिरफ्तार कर ले हे। इही मन इहां के पैडलर्स ल कोकीन सप्लाई करत रिहिस।
