मजदूर मन के बुढ़ापा के चिंता होइस दूर, मजदूर मन के पेंशन होइस जारी

हर महीना 1500 रूपिया पेंशन होइस जारी

रायपुर, 12 जून 2024/ प्रदेश म मुख्यमंत्री श्रमिक पेंशन योजना के तहत 60 साल पूरा कर डरे आठ अऊ श्रमिक मन के पेंशन ल श्रम मंत्री श्री लखन लाल देवांगन के निर्देश म जारी करे गीस। श्रमिक मन के हित अऊ ऊंखर बेहतर जीवन यापन बर छत्तीसगढ़ म निर्माण श्रमिक मन के पेंशन योजना के शुरूआत 29 मार्च के करे गए रहिस। ए योजना के तहत पात्र निर्माण श्रमिक मन ल पेंशन राशि सीधा ऊंखर खाता म भेजे जाथे। एखर अलावा कई लाभ तको मिलथे।

बुधवार के श्रम मंत्री अऊ छत्तीसगढ़ भवन अउर आन सन्निर्माण कर्मकार कल्याण मंडल के अध्यक्ष लखन लाल देवांगन ह आठ अऊ श्रमिक के पेंशन जारी करिन। ए अवसर म मंत्री श्री लखन लाल देवांगन ह कहिन कि प्रदेश के विष्णुदेव सरकार श्रमिक मन के हितेषी हे। सरकार के पूरा मंशा हे के श्रमिक मन ल योजना के जादा ले जादा लाभ मिल सकय। श्रमिक मन के हित अउ ऊंखर बेहतर जीवन यापन बर निर्माण श्रमिक मन के पेंशन योजना के लाभ श्रमिक मन ल देहे जात हे। जेमां पात्र निर्माण श्रमिक ल पेंशन राशि सीधा वोखर खातेच म भेजे जाही। ए योजना के तहत् अइसन पंजीकृत निर्माण श्रमिक जेकर उमर 60 साल पूरा गे हे, उन श्रमिक मन ल हर महीना 1500 रुपिया पेंशन के रूप म देहे जाही।  पेंशनधारी निर्माण श्रमिक के मृत्यु हो जाही त निर्माण श्रमिक के आश्रित (पति/पत्नी) ल 750 रूपिया मासिक पेंशन देहे  के प्रावधान हे।