रायपुर, राष्ट्रीय शैक्षिक अनुसंधान अउ प्रशिक्षण परिषद (एनसीईआरटी) के निदेशक श्री ऋषिकेश सेनापति ह निष्ठा अउ शिक्षक दक्षता संवर्धन प्रशिक्षण कार्यक्रम म भाग लेवईया मन ल संबोधित करिन। उमन कहिन कि निष्ठा के उद्देश्य प्रारंभिक स्तर म कक्षा पहली ले आठवीं तक के सबो शिक्षक अऊ विद्यालय प्रमुख मन के बीच दक्षता के निर्माण करना हे। उमन बताइन कि ये कार्यक्रम के तहत देश म 42 लाख शिक्षक मन ल प्रशिक्षित करे जाही। उमन कहिन के निष्ठा ह शिक्षक प्रशिक्षण के क्षेत्र म विश्व के सबले बड़े पहल हो सकथे हे।
श्री ऋषिकेश सेनापति ह भाग लेवईया मन ले कहिन कि लइका मन ल एक अच्छा नागरिक बनाना हमर उद्देश्य हे। अभी हाले म किताबी ज्ञान लेके अच्छा अंक प्राप्त होए म हम खुश हो जाथन। जरूरत ये बात कि हे कि समाज म दूसर ले कइसे बात करन अऊ जिंदगी म कइसे सफलता हासिल करन। इही क्षमता विकसित करे बर निष्ठा कार्यक्रम चालू करे गए हे।
हम आप ल बता देवन कि शिक्षा गुणवत्ता म सुधार बर देशव्यापी निष्ठा अउ शिक्षक दक्षता संवर्धन कार्यक्रम के राज्य स्तरीय प्रशिक्षण चार जनवरी ले 10 जनवरी तक रायपुर म आयोजित करे जात हे। राज्य स्तरीय प्रशिक्षण नई दिल्ली के खांटी जानकार के दू नेशनल रिसोर्स गु्रफ कोति ले आठ प्रशिक्षण कक्ष म प्रशिक्षण प्रदान करे जात हे। प्रशिक्षण म राज्य के करीबन 600 मुख्य स्त्रोत मनखे अउ राज्य स्त्रोत मनखे प्रशिक्षण प्राप्त करत हें। स्कूल शिक्षा विभाग के प्रमुख सचिव श्री गौरव द्विवेदी, संचालक राज्य शैक्षिक अनुसंधान अउ प्रशिक्षण परिषद श्री पी. दयानंद के मार्ग-निर्देशन म प्रशिक्षण म विद्यालय म स्वास्थ्य शिक्षा, पर्यावरण शिक्षा, गणित शिक्षण, सूचना अउ संचार प्रौद्योगिकी विद्यालयी शिक्षा म नवा पहल, विद्यालय आधारित आंकलन, कला समेकित शिक्षा, मनखे अउ सामाजिक गुण के विकास संग कई ठन विषय मन म प्रशिक्षण प्रदान करे जात हे।
निष्ठा अउ शिक्षक दक्षता संवर्धन कार्यक्रम म राष्ट्रीय स्त्रोत समूह (एनआरजी) समूह क्रमांक-8 कोति ले एनसीईआरटी नई दिल्ली के प्रोफेसर अउ अध्यापक अउ शिक्षा विभाग के अध्यक्ष डॉ. ब्रम्ह प्रकाश भारद्वाज के संग समन्वयक प्रोफेसर शशि प्रभा, प्रोफेसर नरेश कोहली, डॉ. जितेन्द्र पाटीदार अऊ स्त्रोत मनखे म प्रोफेसर अनिता नूना, प्रोफेसर रीटा शर्मा, प्रोफेसर प्रवीण कुमार चौरसिया, डॉ. तनु मलिक, प्रोफेसर दीपमाला अऊ (एनआरजी) समूह क्रमांक-दू म समूह अध्यक्ष हव एनसीईआरटी के प्रोफेसर रचना गर्ग, समन्वयक मीनाक्षी खार, स्त्रोत मनखे प्रोफेसर वीर पाल, प्रोफेसर सुश्री रंजना नागर, प्रोफेसर बी.एन. पण्डा, प्रोफेसर पदमा यादव, प्रोफेसर प्रितिश आचार्या संग आन विसय विशेषज्ञ कई ठन गतिविधि मन अऊ पावरपाइंट प्रेजेन्टेशन के साथ रोचक ढंग ले प्रशिक्षण प्रदान करत हे। प्रशिक्षण ल सफल बनाए राज्य शैक्षिक अनुसंधान अउ प्रशिक्षण परिषद के संयुक्त संचालक डॉ. योगेश शिवहरे ह सबो प्रशिक्षण कक्ष म जाके भाग लेवईया मन ले सीधा गोठ-बात करिन।