रायपुर, नीति आयोग के बैठक म मुख्यमंत्री भूपेश बघेल ह कोयला संग मुख्य खनिज मन के रॉयल्टी दर म संशोधन के आग्रह करिन अऊ कर्मचारी मन के हित म नवा पेंशन योजना म जमा राशि के वापसी के मांग करिन। नीति आयोग के बैठक म मुख्यमंत्री भूपेश बघेल ह शहर मन के तीर वाले ग्रामीण क्षेत्र अउ 20 हजार ले कम आबादी के शहर मन म मनरेगा लागू करे के मांग करिन।
नीति आयोग के बैठक म मुख्यमंत्री भूपेश बघेल ह जीएसटी क्षतिपूर्ति के मुद्दा तको उठाइन। उमन कहिन जीएसटी कर प्रणाली ले राज्य मन ल होए राजस्व के हानि जीएसटी क्षतिपूर्ति अनुदान जून 2022 के बाद घलोक अवइया 05 बछर बर जारी रखे के अनुरोध करिन। उमन नक्सल उन्मूलन बर तैनात केन्द्रीय सुरक्षा बल मन उपर करे गए 12 हजार करोड़ के खरचा के प्रतिपूर्ति के मांग तको करिन। उमन कहिन के राज्य मन के संसाधन मन म दबाव बाढ़े हे, ते पाए के केंद्रीय कर म राज्य के हिस्सा बढ़ाए जाए।
