हथकरघा म हुनरमंद होवत हे महिला अऊ बालिका मन
कई ठन ट्रेड म लेवत हें प्रशिक्षण
रायपुर, 09 अगस्त 2024। मुख्यमंत्री श्री विष्णु देव साय के सुशासन म बस्तर संभाग के माओवादी आतंक ले सुरक्षा प्रदान करे बर एक कोति सुरक्षा कैंप के सख्या बढ़ाए जात हे। उहें सुरक्षा कैंप मन के आसपास 5 किलोमीटर के दायरा म अवइया गांव मन म केन्द्र अऊ राज्य सरकार के कल्याणकारी योजना मन के लाभ देवाए बर नियद् नेल्लानार जइसे नवाचारी योजना के शुरूआत करे गए हे। ए योजना के बेहतर अऊ सार्थक परिणाम मिलत हे। मनखे मन के विश्वास फेर शासन-प्रशासन कोति लहुटे लगे हे।
नियद नेल्लानार योजना ले युवा मन ल रोजगार के अवसर मिलत हे। युवा पढ़ाई के संगे संग अपन पसंद के ट्रेडस म प्रशिक्षण लेके आत्मनिर्भर बनत हें। मुख्यमंत्री श्री विष्णु देव साय के सुशासन म युवा मन ल हुनरमंद बनाए बर सार्थक प्रयास करे जात हे। बेहतर शिक्षा के संग उंखर कौशल उन्नयन करे जात हे। दंतेवाड़ा जिला म शासन के महत्वकांक्षी योजना ‘‘नियद नेल्लानार योजना‘‘ के तहत बासनपुर कैंप के अंतर्गत अवइया ग्राम गामावाड़ा के 21 महिला मन ल आजीविका के नवा संसाधन ले जोड़े बर हथकरघा के प्रशिक्षण देहे जात हे। एखर संगेच प्रधानमंत्री कौशल विकास योजना अंतर्गत लाइवलीहुड कॉलेज म 12 छात्र घलोक एसोसिएट, डेस्कटॉप, असिस्टेंट, हैंड एंब्रॉयडरी, टू व्हीलर सर्विस असिस्टेंट ट्रेड म प्रशिक्षण लेवत हें। जानबा हे कि ’’नियद नेल्लानार योजना‘‘ अउ प्रधान मंत्री कौशल विकास योजना के तहत जिला के बेरोजगार युवक-युवती मन ल हुनरमंद बनाए के तहत कई प्रकार के प्रशिक्षण सत्र चलाये जात हे। ये एक अइसन अवसर हे जेमां बेरोजगार युवक-युवती मन कोनो ट्रेड म प्रशिक्षण लेके स्वावलंबी बन सकय।
