कावड़गांव, हिरोली संग एक दर्जन गांव म आवागमन के सुविधा के होइस विस्तार
रायपुर, 31 अगस्त 2024। मुख्यमंत्री श्री विष्णु देव साय के पहल म नियद नेल्लानार क्षेत्र मन म तेजी ले बुनियादी सुविधा मन के विस्तार होवत हे। छत्तीसगढ़ शासन के नियद नेल्लानार आप मन के अच्छा गांव योजना के तहत माओवाद प्रभावित क्षेत्र मन ल विकास के मुख्यधारा ले जोड़े सबो प्रकार के सुविधा उपलब्ध कराए जात हे। नियद नेल्लानार योजना के तहत सुरक्षा कैम्प के 5 किलोमीटर परिधि के गांव मन म सड़क, बिजली, पानी, राशन, स्वास्थ्य, शिक्षा संग सबो प्रकार के सुविधा मन के विस्तार जल्दी-जल्दी करे जात हे।
शासन के ए महत्वाकांक्षी योजना ले अंदरूनी क्षेत्र मन के गांव वाले मन म खुशी के लहर हे। मुख्यधारा ले जुड़के इहां के ग्रामीण अपन अउ अपन अवइया पीढ़ी के सुखद भविष्य बर प्रफुल्लित नजर आवत हें।
स्थानीय कलेक्टर के मार्ग दर्शन म पाछू दिनन म दूरिहा के गांव कांवड़गांव, हिरोली, पुसनार, गंगालुर, चेरपाल, पदेड़ा, रेगड़गुट्टा जइसे गांव के मनखे मन ल सुगमतापूर्वक जिला मुख्यालय पहुंचाए बर जनसुविधा बस ल हरीझंडी देखाके रवाना करे गीस। स्थानीय मनखे मन ह बताइन के श्री विष्णु देव साय के सरकार ह हमर कल्याण बर बनाए गए योजना मन के अब समय म क्रियान्वयन होवत हे जेखर लाभ हम सबला मिले लगे हे। आवागमन के सुविधा के विस्तार होए ले अब हम क्षेत्र वासी लाभान्वित होवत हन।