- अनियमित भवन निर्माण के नियमितीकरण बर सरकार सरल कानून बनाही
- ग्रामीण क्षेत्र मन म घलोक शासकीय पट्टा के भुइंया मन ल फ्री होल्ड करे जाही
- शहरी स्लम स्वास्थ्य योजना के विस्तार सबो नगरीय निकाय मन म
- शासकीय कर्मचारी मन के सीपीएस म शासन के अंशदान 10 प्रतिशत ले बढ़ाके 14 प्रतिशत करे जाही, प्रति हफ्ता 5 काम दिवस प्रणाली म होही काम
- श्रमिक परिवार के बेटी मन बर मुख्यमंत्री नोनी सशक्तीकरण सहायता योजना, पहिली दू बेटी मन के खाता म 20-20 हजार रूपिया एकमुश्त भुगतान
- अगले खरीफ साल ले दलहन फसल के खरीदी घलोक समर्थन मूल्य म
- हर विकासखंड म आईटीआई खोले जाही
रायपुर, मुख्यमंत्री श्री भूपेश बघेल ह 73वां गणतंत्र दिवस के अवसर म प्रदेशवासी मन ल कई सौगात दीन। उमन बस्तर जिला मुख्यालय जगदलपुर म झंडा फहराए के बाद प्रदेश के जनता के नाम अपन संदेश म कई नवा घोषणा करिन। उमन अनियमित भवन निर्माण के नियमितीकरण बर इही साल एक व्यवहारिक, सरल अउ पारदर्शी कानून बनाए के घोषणा करिन। एखर से बहुत अकन नागरिक प्रत्यक्ष रूप ले लाभान्वित होहीं अऊ ओ मन अपन मेहनत ले करे निर्माण ल नियमित कराके स्वाभिमान ले जीवन-यापन अउ रोज़गार कर सकही। उमन रिहायशी क्षेत्र मन म संचालित व्यवसायिक गतिविधि मन के नियमितीकरण बर घलोक जरूरी प्रावधान करे के घोषणा करिन जेखर से हजारों व्यवसाई आत्मविश्वास के संग अपन व्यवसाय संचालित कर सकयं।