नियद नेल्ला नार दूरिहा के गांव मन के बर बरदान

नम्बी गांव म अब हर घर तक पहुंचिस शुद्ध पेयजल
बीजापुर, जिला के उसूर विकासखंड के नम्बी गांव, जेन कभू विकास ले कइ कोस दूरिहा रहिस, आज जल जीवन मिशन योजना के तहत एक प्रेरणास्पद सफलता के कहानी बनके उभरे हे। बीहड़ अऊ दुर्गम जंगल मन के बीच स्थित ये गांव, जिहां बुनियादी सुविधा पहुंचाना एक समय म असंभव जइसे रहिस, अब छत्तीसगढ़ सरकार के दृढ़ इच्छाशक्ति अऊ नियद नेल्ला नार  योजना के मदद ले विकास के मुख्यधारा म जुड़ गए हे।
जल जीवन मिशन योजना के अंतर्गत नम्बी गांव म कुल 28.18 लाख रूपिया के लागत ले तीन सौर ऊर्जा संचालित नलकूप स्थापित करे गए हे। ए योजना के अंतर्गत 5185 मीटर लंबा पाइपलाइन बिछाए गीस, जेखर से गांव के 76 परिवार मन ल हर घर नल कनेक्शन के माध्यम ले शुद्ध पेयजल मिलत हे। ये गांव अब वो गांव मन म सामिल हो गए हे, जिहां शत-प्रतिशत घर मन म नल ले जल के सुविधा उपलब्ध हे।
15 जुलाई के नम्बी गांव म ग्राम सभा के तत्वाधान म हर घर जल उत्सव के आयोजन करे गीस। ए कार्यक्रम म गांव के सरपंच सुशीला काका, सचिव पांडा कावरे अऊ जम्‍मो ग्रामवासी उपस्थित रहिन। ए बेरा म, लोक स्वास्थ्य यांत्रिकी विभाग कोति ले गांव ल हर घर जल प्रमाणित करे गीस। ये प्रमाणन दर्शाथे के गांव के हर एक घर म नल के माध्यम ले स्वच्छ पेयजल के आपूर्ति ठउका करे जात हे।
ए योजना के संचालन अऊ संधारण के जिम्मेदारी अब पंचायत ल सौंप दे गए हे, पंचायत के निगरानी म ये योजना अब स्थानीय सहभागिता ले अऊ घलोक बेहतर तरीका ले संचालित होही।