बस्तर, छत्तीसगढ़ म प्रतिभा मन के विकास करत एनएमडीसी ह छत्तीसगढ़ सरकार के सहयोग ले “छू लो आसमान” नाम के एक शैक्षिक कार्यक्रम चलाथे जेमां छत्तीसगढ़ के पढ़ईया लईका मन ल इंजीनियरिंग अऊ मेडिकल जइसे पाठ्यक्रम मन म उच्च अध्ययन बर तकनीकी अऊ शैक्षणिक रूप ले सक्षम बनाये जाथे। एनएमडीसी ह आईआईटी-जेईई अऊ एम्स जइसे महत्वपूर्ण प्रवेश परीक्षा मन म सफल छत्तीसगढ़ के बस्तर क्षेत्र के पढ़ईया लईका मन ल प्रोत्साहित करे के उद्देश्य ले ऊंखर आईआईटी अउ एम्स म अध्ययन ल प्रायोजित करे बर रूपिया 5.00 लाख प्रति विद्यार्थी के सहायता राशि वाले एक योजना चालू करे हे। रूपिया 5.00 लाख के प्रायोजित राशि अइसन प्रतिभाशाली पढ़ईया लईका मन ल ऊंखर पूरा पाठ्यक्रम के समय समान वार्षिक किश्त म प्रदान करे जाही। ये साल एनएमडीसी छत्तीसगढ़ के 4 पढ़ईया लईका मन ल प्रायोजित करे जात हे जिकर नाम हे – श्री संतुराम कुंजाम, कुमारी किरण बघेल, श्री हरीश बघेल अउ श्री वेद प्रकाश सोम।
ए पढ़ईया लईका मन ह हाले म 2049 म जेईई एडवांस प्रवेश परीक्षा उत्तीर्ण करे हें। एनएमडीसी छत्तीसगढ़ के बस्तर क्षेत्र म शैक्षिक सुविधा मन म सुधार बर हमेशा ही अग्रणी रहे हे अउ एखर बर कई ठन शैक्षिक योजना जइसे कि एजुकेशन सिटी के स्थापना, शिक्षा सहयोग योजना, बालिका शिक्षा योजना, मिड डे मील योजना, छू लो आसमान आदि चलावत हे।
इहां ये बताना जरूरी हे के दन्तेवाड़ा जिला म छत्तीसगढ़ राज्य सरकार के भागीदारी म एजुकेशन सिटी नाम के शिक्षा सुविधा मन के एक केंद्र के स्थापना करे गए हे जेमां प्राथमिक स्तर के शिक्षा संस्था ले लेके व्यावसायिक संस्था तक सामिल हे जेकर क्षमता 5000 पढ़ईया लईका मन के हे। ये मां आस्था गुरूकुल नाम के एक आवासीय विद्यालय अऊ शत-प्रतिशत दिव्यांग हितैषी आवासीय विद्यालय “सक्षम” घलोक सामिल हे। सीएसआर गतिविधि मन म एनएमडीसी के फोकस सुरुच ले शिक्षा, स्वास्थ्य अउ सफाई, आधारभूत सुविधा, एकीकृत ग्रामीण विकास, रोजगार बर कौशल विकास आदि म रहे हे।
काली छत्तीसगढ़ के मुख्यमंत्री श्री भूपेश बघेल ह ए लईका मन ल एनएमडीसी के सीएमडी श्री एन.बैजेद्रकुमार के संग एन.एम.डी.सी कोति ले सवा-सवा लाख रूपिया के चेक सउंपिन। छत्तीसगढ़ जनसंपर्क कोति ले जारी विज्ञप्ति के मुताबिक एन.एम.डी.सी. अऊ जिला प्रशासन दंतेवाड़ा कोति ले चलाए जात ‘रही छू-लो-आसमान’ योजना म कक्षा 8वीं के प्रतिभाशाली लइका मन के प्रवेश परीक्षा के माध्यम ले चयनकर के ओ मन ल 9 वीं ले 12 वीं कक्षा के स्कूल तक के पढई के संग संग इंजीनियरिंग अऊ मेडिकल के प्रवेश परीक्षा मन के विशेष कोचिंग देहे जाथे। ये योजना 2011 ले चलाए जात हे। शैक्षणिक सत्र 2019-20 म कुल 620 पढ़ईया लईका मन ह ए योजना के लाभ लेहे हें। योजना संचालन बर हर साल चार करोड़ रूपिया के राशि एन.एम.डी.से. कोति ले देहे जाथे। ए योजना के तहत पढ़ईया लईका मन ल निःशुल्क गणवेश अऊ कक्षा के संगेच प्रतियोगी परीक्षा मन बर पुस्तक तको देहे जाथे। एखर अलावा कम्प्यूटर लेब, वाई-फाई विडियो लेक्चर अउ आनलाइन टेस्ट के सुविधा संग आन सहायता देहे जाथे।
